روايه نوفيلا ريم
بتسكت معاها
يوسف ريم طب و احنا حنحتكرها لحسابنا و اللا إيه حنخليها تسيب حياتها و مذاكرتها عشان تيجي تسكت البنت
يسمعوا جرس الباب تجري رنا تفتحه تدخل ريم جري على صوت عياطها و تاخدها بسرعه من على ايد يوسف و تهدهدها حبيبتي يا وعد مالك يا روحي بټعيطي ليه يا حبيبة قلبي
رقيه مش عاوزة تاخد البيبرونه يا ريم و مش مبطله عياط
رنا شفت بقى يا ابيه صدقت ان محدش بيعرف يسكت وعد و لا يتعامل معاها غير ريم
يبتسم يوسف و هو شايفها ساكته و هاديه فحضن ريم
تشرب وعد البيبرونه و ريم تحضنها و تفضل تهدهد فيها و تغنيلها اغاني الأطفال الجميله لحد ما ياخدها النوم و تنام
ريم سيبيها معايا شويه مبلحقش اشبع منها يا طنط
يوسف متشكر اوي يا ريم عاللي بتعمليه مع وعد
ريم و هي بتحضنها اوي وعد دي حبيبتي يا مستر حضرتك متعرفش انا بحبها اد ايه
يوسف واضح يا ريم و الله وواضح اوي ان هي كمان بتحبك أوي
ريم مستر يوسف مش حترجع السنتر بقى
ريم انا عارفه ان حضرتك تعبان اوي و حزين لكن ده قضاء ربنا و قدره اللي لازم نرضى بيه و الدنيا مبتقفش على حد و بتمشي يا مستر يوسف فلازم حياتك تمشي و بعدين مش حضرتك دايما كنت بتقولنا اننا أمانتك و ان حضرتك مسئول عننا انك توصلنا لبر الأمان طب ينفع تسيبنا كده بردو
فيه ده لازم ترجعلنا يا مستر
و على فكرة مفيش حاجه حتنسي حضرتك اللي انت فيه غير الطلبه اللي بتحبهم و الوقوف بينهم
يوسف انا مفيش حاجه ممكن تنسيني سوزان يا ريم
يبصلها يوسف بإعجاب بكلامها و اللي حاسس انه خارج من واحده عاقله و فاهمه الدنيا ياااه كبرتي يا ريم و بتديني نصايح
ريم حضرتك غالي عندي أوي و ميهنش علية اشوفك كده و اسكت يا مستر هاه حترجعلنا امتى بقى
ريم لاء حضرتك حتنزل بكره
يوسف مش عارف يا ريم
ريم حتنزل بكرة بقى متكسفنيش عشان خاطري
في تاني يوم يدخل السنتر و الكل يسلم عليه و أول ما يدخل للطلبه يفتكر يوم ما رجع بعد فرحه و ازاي هنوه و باركوله لكن المره دي كلهم ساكتين و هما شايفين شكله و هيئته اللي بتعبر عن حزنه الشديد
اخد نفس عميق و بدا في الشرح و بالفعل بدا يندمج في الشرح و الطلبه كلهم مركزين معاه كان كل شويه يقاوم حزنه و يقاوم ذكرياته اللي محاصراه من كل ناحيه و يحاول يركز في الشرح و بس
و يجاوب على كل اسئلة الطلبه
و تمر الأيام و ترجع الحياه لطبيعتها من تاني وعد عند مامته و يوسف ما بين المدرسه و السنتر و اهله و بيرجع شقته عالنوم
و ريم مبتسيبهمش لحظه و علطول عندهم لدرجة انها اوقات كانت بتذاكر مع رنا و وعد على رجلها او على كتفها
مش قادره تبعد عنها لحظه
بتاكلها و بتشربها و بتعملها كل حاجه و اوقات كتير كانت تاخدها عندهم البيت و باباها و مامتها و اخوها يلعبوا معاها و هما فرحانين بيها اوي و اول ما ټعيط يدوهالها
و فيوم راحت عند اهل يوسف زي عادتها و اول ما فتحت رنا لها الباب و دخلت و وقتها كان يوسف قاعد مع باباه اتفاجئت بأمه بتقولها اتفضلي يا ستي خدي بنتك اللي مش راضيه تسكت مع حد
ريم تحس ان قلبها حيقف من فرحتها بكلمة بنتك
و يوسف تعبيرات وشه تتغير و حزن انها بقت بنت حد تاني غير امها و انها ملهاش ام غير سوزان فيرد على كلام امه
بنتها ايه بس يا ماما حرام عليكي ريم لسه صغيره عالكلام ده قولي اختها الصغيره
ريم لاء يا مستر بقى بعد إذنك هي بنتي صح يا وعد مش انتي بنتي يا روحي
و اللا انا بقى منفعش ابقى ام يا مستر
يوسف ده انتي حتبقي احلى ام في الدنيا بس صعبانه علية نكبرك و انتي لسه صغيره كده
ريم لاء وعد تكبرني زي ما هي عاوزه على قلبي زي العسل
يوسف طب ياربت بقى تسيبك من وعد شويه و تركزي في مذاكرتك خلاص يا ريم الامتحانات عالأبواب و عاوزين مجموع كويس
ريم حاضر يا مستر
تمر الأيام و فيوم يوسف و هو في السنتر و بعد ما يشرح الدرس يقول لرنا و ريم يسبقوه عالعربيه عشان ياخدهم للبيت يتحركوا ادامه و هو وراهم و يسمع شاب بيتكلم مع زميله ريم احلوت اوي يا امير
امير فعلا يا حسام دي بقت زي القمر
حسام اه بس لو ترضى تتكلم معايا نفسي اعرف اتكلم معاها و لو كلمتين على بعض
أمير تتكلم مع مين يا حسام دي عامله شبه القطر
حسام بس عجباني اوي و نفسي بس اكلمها
يوسف هي مين دي اللي عاجباك و نفسك تكلمها يا حسام
حسام بخضه مستر يوسف لا مفيش ده احنا بنتكلم مع بعض فحاجه كده
يوسف حسام امير لازم تفهموا ان البنات هنا اخواتكم زي اخواتكم اللي في البيت بالظبط و اللي مترضهوش على اخواتكم مترضهوش على حد
حسام حاضر يا مستر
امير عاجبك كده أدينا اتهزانا بالادب قدامي يا فالح
يروح ناحية العربيه و يلاقيهم واقفين بيضحكوا و أول مرة يلاحط ان ريم و رنا فعلا كبروا
يفتحلهم العربية عشان يركبوا و يتحرك بالعربيه و بمجرد ما ينزلوا
ينادي يوسف عليها ريم استني عاوزك
ريم نعم يا مستر
يوسف ريم معلش ممكن بعد كده متبينيش حاجه من شعرك و لبسك ببقى محتشم اكتر من كده شويه
ريم ليه يا مستر حصل حاجه
يوسف لا محصلش حاجه بس المفروض ان حجابنا يبقى صح مينفعش تبقي محجبه و نص شعرك برة الطرحه و مينفعش تبقي محجبه وتلبسي بناطيل ضيقه او فساتبن مجسمه انا مش بفرض عليكي حاجه دي نصيحه من مستر يوسف ليكي و لو اتضايقتي اعتبريني مقلتش حاجه
ريم لا ء خالص و الله
حاضر يا مستر
تفرح اوي باهتمامه بيها
تاني يوم تيحي عندهم البيت و الطرحه مغطيه شعرها كله و لابسه فستان فضفاض و جميل جدا عليها ابتسم بينه و بين نفسه انها سمعت
كلامه و احترمت رايه
مرت الايام و جت امتحانات اخر السنه و ريم و رنا بيذاكروا بكل جهدهم وفنفس الوقت مبعدتش عن وعد يوم واحد و مرت الامتحانات على خير و يوسف كالعاده جابلهم النتيجه و الزغاريد و الفرحه لنجاحهم كانت كبيره اوي و راحت ريم مع رنا عشان يسحبوا ملفاتهم من المدرسه و سلموا على يوسف و جابلهم عصير و حلويات و قعدوا معاه شويه و مشيوا و اتفاجئ يوسف بواحد زميله بيكلمه يوسف انا عاوز اتكلم معاك في موضوع
يوسف اتفضل يا كريم
كريم انا طبعا عارف علاقتك اد ايه قويه بريم صاحبة رنا اختك
يوسف ريم زي رنا بالظبط في ايه اتكلم
كريم بصراحه و من غير لف و لا دوران انا من اول السنه و انا مراقبها كويس طول مانا في السنتر و شايف تتعاملها مع اصحابها و زمايلها و بصراحه هي عجباني اوي و عاوز اتقدم لها
يوسف بدهشه تتقدم لها
كريم أيوة يا يوسف اتقدملها بصراحه هي عجباني اوي
يوسف بس ريم صغيره يا كريم
كريم لا مش صغيره و لا حاجه هي عندها تمنتاشر سنه و انا عندي سته و عشرين يعني سننا مناسب جدا لبعض
يوسف و الله دي حاجه تخصها و انا مش ولي أمرها و انت ممكن تروح تكلم باباها و اخوها
كريم بس انا محتاجك معايا عشان تدعمني
يوسف طب اديني فرصه اتكلم معاهم و اشوف رايهم الأول
راح لمامته و بيقلب في الطبق سرحان مش عارف ليه بينه و بين نفسه اتضايق لما حد كلمه عن ريم و انه عاوز يتقدملها
رقيه مالك يا حبيبي سرحان في ايه
يوسف اصل حصلت حاجه غريبه اوي النهارده يا ماما
رقيه حاجة ايه يا يوسف
يوسف تخيلي ان ريم جايلها عريس
رقيه ريم بتاعتنا
يوسف ايوة يا ماما كريم زميلنا في المدرسه مدرس صغير عاوز يتقدملها و موسطني انا عشان اكلمله اهلها
رقيه و انت ايه رايك
يوسف انا مليش رأي يا ماما الرأي رايهم هما بس انا شايفها لسه صغيره
رقيه ريم مهما كبرت حتفضل فعنيك صغيره عشان انت شايفها من يوم ما اتولدت لكن الحقيقه انها فعلا كبرت و بقت عروسه جميله و بعدبن حنروح بعيد ليه تما اختك رنا ابن خالتك مموت نفسه عليها من و هي لسه في الاعداديه و انا مصبره خالتك بالعافيه لحد بس ماتدخل الكليه بتاعتها
بس بصراحه بقى يا يوسف انا مستخسرة ريم تروح لحد غريب مش عاوزاها تبعد عننا و لا تخرج من وسطنا و لا وعد تتحرم منها
يوسف يعني هي حتتجوز بكرة يا ماما
رقيه بكره بعده مسيرها تتجوز و تبقى ليها حياتها و وعد حتصعب علية اوي دي بتحبها اوي
يوسف طب حنعمل ايه بس يا ماما حنقولها متتجوزيش و لا تكبري عشان تفضلي مع وعد
رقيه لاء طبعا بس ممكن نعمل حاجه تانيه
يوسف نعمل ايه بقى يا ست الكل
رقيه تتجوزها انت يا يوسف
يوسف ايه اتجوزها انا حضرتك بتقولي ايه يا ماما
رقيه بقول ان احسن حاجه ليك و ليها و لوعد انك تتجوز ريم يا يوسف
يوسف انا اتجوز ريم اختي الصغيره تلميذتي اللي مربيها على ايدي حضرتك مستوعبه بتقولي ايه عارفه فرق السن بيني و بينها اد ايه سبعتاشر سنه ده عمر تاني يا ماما
ريم طول عمرها اختي و حتفضل اختي
رقيه ريم مش اختك يا حبيبي
و فرق السن عمره ما كان مشكله طب ما ابوك اكبر مني بعشرين سنه و انا عمري ما حسيت باللي بتقوله ده بالعكس طول عمري حسه اني عايشه فحماه و مقدرش استغنى عن ضوفره
يوسف
