قصه يوسف كامله
انك ممكن تعملي كدا
يا حبيبي فهمني ..انا عملت ايه مزعلك اوي كدا
فجأة اتعصب وصوته علي وفضل يزعق
وابتدا يكسر في اي حاجة تيجي قصاده في البيت
طب اهدى بس وفهمني مالك !!
سابني وخرج وقفل الباب وراه
جريت بسرعه عشان الحقه ...بس كان أختفى !
حاولت اكلمه على موبايله كان مغلق
استنين يرجع البيت واعرف منه ايه جراله
لكنه مرجعش
هو ماله ..ايه مزعله مني اوي كدا
نمت وصحيت الصبح وبرضو مرجعش
كنت حاسه بتعب وارهاق. .منزلتش الشغل
واستنيته..قولت اكيد هيخلص شغل ويرجعلي
لكنه مرجعش .. لحد الليل ..وانا بتصل وفونه مقفول
اليوم اللي بعده ..روحت الشغل عشان اعرف منه
هو بيعمل كدا ليه
لو سمحت يوسف كامل فين..هو مجاش النهارده
يوسف كامل دا شغال هنا عندنا
ايوه حضرتك دا شغال من مدة كبيرة !
انا شغال هنا من سنه ومعرفش انه في حد
هنا ف الامن شغال معانا بالاسم دا
أزاي دا !! انت هتجننني
بعدها خرج موظف امن شكله كبير
ايوه انا عارفاك ..حضرتك مش فاكرني
قولتله اسمي
لا مش واخد بالي الحقيقة ..خير بتزعقي ليه
الموظف قاله
الراجل ملامحه أتبدلت وكان مذهول
وقالي
انتي بتسالي عن يوسف كامل اللي كان شغال امن هنا
من 3 سنين
ايوه حضرتك انا مراته
اااه افتكرتك ..فعلا انا حضرت فرحكم
طيب تقدر تقولي هو فين ..ليه يومين غايب عن البيت
يومين !!
ايوه
يومين أزاي بس حضرتك ..دا جوزك ماټ في حاډثة
سمعت الجملة اللي كانت زي الصاعقة عليا
وافتكرت كل حاجة
لحظة ما سمعت الخبر ..وجريت ع المستشفى
بقلم احمد جوده
نظرته ليا وهو بين الحياة والمۏت..إيده لما فلتت مني
والدكتور بيجس نبضه وبيهز رأسه وبيقول في اسف
البقاء لله يا مدام
لحظتها افتكرت كل حاجة ...الدنيا لفت بيا
ووقعت على الأرض فاقدة الوعي
اول ما دخلت حضنتني
سلامتك يا حنين ..مالك يا قلبي
تقى ..يوسف يا تقى
اهدى يا حبيتي ..وقوليلي حصل ايه
بقلم أحمد جوده
حكيت لها على كل حاجة حصلت ..وتغيره معايا اخر فترة
لغاية ما ساب البيت من يومين معقول كل دا وانا عايشه في ووهم
لأ مكانش وهم يا حنين
بعد ۏفاة جوزك بشهرين ..كانت حالتك النفسية سيئة جدا وتصرفاتك كانت عدوانية مع الكل
في ست كانت بتيجي تنضفلك الشقة مرة كل اسبوع
اه فاكراها
لما شافتك كدا ..اقترحت توديكي لوحده تعرفها
بتحضر أرواح .وانتي عشان مكنتيش في وعيك
وحزنك على مۏت يوسف ..واشتياقك ليه
سمعتي كلامها وروحتي للست دي
وقدرت بطريقة ما تخليكي تتواصلي مع روح يوسف
نفسيتك أبتدت تتحسن ومع الوقت بقى عندك ادمان
على الموضوع دا
لدرجة انك قررتي تعملي دا بنفسك ف البيت
وبعد كذا محاولة
حضرتي روحه ..وبقى عايش معاكي
مكنتش مستوعبه كلامها
بتقولي ايه !!
انتي من سنه او اكتر فاكرة نفسك عايشه مع يوسف
وصدقتي الكدبة اللي كدبتيها
لكن مع الوقت ابتديتي تفوقي لروحك
خصوصا اخر
