روايه حكايات الورد بقلم هاله احمد

شغل كتير غيرك
لو ينفع يعني ممكن آجي كل يوم ساعة وتقعد ترسمني
اممممممممم
امممم ايه ! موافق ولا ..
مقاطعا معادك معايا كل يوم من الساعة اتنين لتلاتة
ايه دا !! بس أنا مش فاضية أنا بيبقي عندي ....
مقاطعا وقتك خلص معايا ..سلام
كنت مستغربة أسلوبه جدا جدا ..وبهدوء قومت من عالكرسي ومشيت أنا وزينب ..
عرفتي بقاا إنه معقد
لييييه هو يعني قال ايه يعني
أسلوبه اييه هو اشترانا المهم قولي إنتي هتروحيله كل يوم زي ماقالك 
هه !!
هه ! إوعي تكوني هتروحي !
ااه طبعا هروح امال انا قايلاله اني عايزاه يرسمني من غير صورة ليه !
ليه ياآخرة صبري 
عشان أقدر أقعد معاه وأعرف هو عامل ليه كدة وأقدر أفهمه
هتودي نفسك في داهية والله
نفسي وأنا حرة فيها
_انا العزيز في أعين من يراني في عينيها ذليل
_ أنا الثابت الصامت عن الهوي وإن كان الهوي في الفؤاد عويل ..
زينب رفضت تيجي معايا له كل يوم وسابتني أروح لوحدي
بقيت بروح لوحدي فعلا وكنت متوترة جدا أول مرتين أروحله فيهم وماتكلمناش فيهم خااالص كل اللي بيحصل إني بقعد قدامه وهو بيبص عليا وعاللوحة ويرسمني وبس كدة ..لحد تالت مرة كنت قاعدة قدامه ..وهو كان بيبص في عنيا كان بيرسمهم ..أما أنا كنت ببقي محرجة جدا ومكسوفة ..
أرفعي وشك مااتنزليهوش تاني
بإحراج حاضر
إنتي إسمك إيه !
فرحت أووي إنه سألني عن اسمي يمكن دي تكون البداية ..
هدير
أهاا ..في سنة كام !
تالتة
بتحبي الورد !
إستغربت من السؤال جدا ..
أيوة بحب الورد
وبس كدة مااتكلمش تاني ..وقعدنا ساكتين وهو بيرسم في عنيا مش عارفة إزاي سرحت فيه وهو بيرسمني ..
عيونك بتلمع ليه وإنتي بصالي !
أنا قلبي وقع في رجلي وإتحرجت جدا وكنت عايزة الأرض تنشق وتبلعني ..
بتوتر بالغ لا خالص ..أنا ..أنا بس ..
مقاطعا وقتك خلص أشوفك بكرة
بتصدم من أسلوبه كل مادي أكتر قومت من غير ماأقول حاجة خالص هو الأحسن إن وقتي خلص عشان أتخلص من توتري دا ..بس هو معقول عيني بتلمع لما بشوفه ! معقولة !! يادي النيلة علياا ..
تاني يوم روحتله في نفس معادي ..قعدت قدامه من سكات لكن هو رفع عينه بصلي شوية وبعد كدة طلع من جيبه وردة ..
إتفضلي
إيه دة !!
آيس كريم ..هو ايه اللي ايه دة ! مش شايفة إنها وردة
أيوة بس هي لياا !
في حد قدامي غيرك !
ابتسمت وفرحت أووووي أووووي ومديت إيدي أخدت الوردة منه وهو بدأ يرسم كنت مبسوطة وقعدت أرسم أحلام في خيالي من الوردة دي و....آآآآآآآآه ..
كان في شوكة في الوردة ماخدتش بالي منها وجرحتلي صباعي ..أما هو أبتسم لما سمعني بتوجع وماشالش عينه من عاللوحة وقالي ..
لسة بتحبي الورد 
إيه دة !!!! أنا بدأت أخاف ..دا قاصد يجيبلي وردة فيها شوكة وتجرحني ..مااتكلمتش عشان مافهمتش حاجة بعد كدة