روايه دعوه حضانه

ريهام على الصوت 
_في اي عاوز اي تانى
قرب منها وبكل قوته مسك أيدها انتى وديتي ابني فين عملتي اي انطقى وبطلي البرود دا
_في اي انا معرفش حاجه يحيي ماله
_بقى مش عارفه ماله صح مش عارفه ابنى اتخطف واكيد انتى اللي وراها صح
_لا طبعا انا معملتش كدا ولو عاوزة اخده هاخده بالمحكمة مش انت اللي هتاخده شوف السنيوره ودته فين ولا يمكن هى اللي خطفته ولا كل حاجه ريهام ريهام ومفيش الا انا اللي شړيره في الحدوته دي 

_طبعا مفيش غيرك انتى مش شايفه انتى عامله اي وعملتي اي في ابنك
_مش انا لوحدي يا عمر وانت كمان السبب معايا وإذا كنت انت بتكرهنى قيراط فانا بكرهك ٢٤قيراط وهحملك المسئوليه كامله
من غير رد خرج عمر وقفل الباب بقوه
_هوا انتى اللي عملتى كدا يا ريهام
_لا طبعا يا بابا مهما كان دا ابني اخطفه ازاي بس
_دلوقتي افتكرتي انو ابنك ربنا يهديكي يا بنتى
دخلت غرفتها وظلت تبكي ودخلت في 
_انتى اي مجنونه اي دا كل مرة تشوفي فيها عمر بتعملى كدا
كانت تعطيه ظهرها...
_ايوا علشان انا بكره البنى ادم دا يكرهه هوا السبب في كل دا هوا السبب
_ازاي هوا السبب احكى 
_يبابا ارجوك سيبنى انا تعبانه دلوقتي
_يشيخه قلبك مش واجعك على ابنك 
_واجعنى على فكره انا ھموت من القلق عليه بس مش عارفه هوا اي اللي حصل 
_يبنتى ربنا يهديكي وروحى مع جوزك ودوري على ابنك
_مش هقدر يا بابا عمر اللي هيلاقيه....
_يبنتى..
_خلاص يبابا بقى معدش ينفع إقناع!
عند عمر...
_حضرتك مبتتهمش حد يا استاذ عمر
_لا
وهوا خارج اتصل بشادي
_الو يا شادي ابنى اتخطف وكنت عاوز مساعدتك انى الاقيه
_طيب أهدى يا صاحبي وان شاء الله هتلاقيه بس متقلقش
_طيب حاول كدا انت عارف المجرمين وكدا بحكم شغلك.
_عنيا يا صحبي متقلقش
ذهب عمر الي المنزل بعد عناء يوم كامل في البحث عن ابنه 
كانت والدته ونور في انتظاره فكانت نور تبكي بحرقه ووالدته أيضا
_ها يبنى عملت اي
_بلغت البوليس وكلمت شادي وحاولت ادور معرفتش ليه اي اثر
_ان شاء الله يبنى هتلاقيه ادخل ارتاح انت وهحضرلك العشاء
_لا يا امى مش عندي نفس انا هدخل اريح ساعه وأقوم ادور تاني ويارب الاقيه
نظر إلى نور 
_انا اسفه والله مكنش قصدي انا كنت طالعه اجيب حاجه ناكلها
_تمام ولا يهمك 
دخل بلامبالاة
نظرت نور لوالدته
_طيب انا همشي يا طنط عوزا حاجه
_سلامتك يا بنتى.
دخلت نور الي شقتها 
واتصلت بأحدهم
_الو اه كان بيدور عليه طول النهار بس خد بالك هو بلغ البوليس....
و........
يارا_عبد_السلام
_خلى بالك هوا بلغ البوليس
_متقلقيش انا مظبط كل حاجه وانا عارف انو عمل كدا
_طيب هنلبسها لريهام ازاي هوا شكله مستبعدها خالص
_متقلقيش انا مظبطلها مغرص مش هتقوم منو 
_ازاي
_اسمعى يستى
واخذ هذا المجهول يسرد عليها خطته الۏحشيه للوقوع بريهام واتهام عمر لها.....
_تمام كدا انا عرفت 
_ماشي يا مزه
_هتيجي النهارده 
_عيونى بس زي كل مرة 
_ماشي متقلقش العماره بتبقى فاضيه الساعه 12
_ماشي يا مزه سلام خلى بالك من نفسك
_ماشي سلام
عند عمر...
اخذ يتقلب يمينا ويسارا 
مش معقول ريهام هتعمل كدا وأخذ يتذكر احداث اليوم ويتذكر كلام نور وكل شىء فكيف ستسمع نور صوت يحيي وبمجرد سماع الصوت سيكون اختفى اكيد في لغز في الموضوع....
ومين دا اللي عاوز ېحرق قلبي على ابنى للدرجادي انا ليا اعداء كدا
رن هاتفه برقم مجهول فقام سريعا ورد عليه...
_الو مين
_استاذ عمر
_ايوا مين معايا
_انا واحد متعرفهوش وانا تقريبا كدا اللي خاطف ابنك وتكون عندي بكرا في العنوان اللي هبعته دا الساعه 11 ويكون معاك ٥مليون جنيه فاهم
_تمام نجيبلك اللي انت عاوزوا اهم حاجه يحيي يكون كويس وممكن