روايه ريم والحب
وعاد بهم لشقته وحينما دخل بهم من باب الشقه تفاجىء برد فعل زوجته حيث قالت له انت جبتهم هنا ليه دول هما مش ليهم شقه يقعدوا فيها ولا ايه هو يعنى من وسع الشقه اوى ولا من رزقك الواسع اللى هتقسمه عليهم هما كمان
حسامفي ايه ياسلوى ما انتى عارفه ان شقتهم ايجار وهما هيدفعوا أجرها منين وبعدين حتى لو عندهم مكان ايه هسبهم يعيشوا لوحدهم دا حتى اخويا موصينى عليهم قبل ما ېموت
ريم واقفه ومش مصدقه اللى سمعاه وعاوزه تاخد حازم من ايده وتنزل
حساممش وقته الكلام ده دلوقتى الاولاد تعبانين خليهم يدخلوا يناموا والصبح نتكلم وياريت تشوفى ليهم حاجه ياكلوها
ريم مالناش نفس ياعمى انا عاوزه انام انا وحازم
سلوىبقولك ايه هما ليهم بيت يباتوا فيه المكان مش هيسعنا
سلوىيعنى ايه يعنى
حساماللى سمعتيه مش المكان مش هيسعنا خلاص وانا هروح معاهم لانى مش هينفع اسيبهم لوحدهم
ابنهم سيف كان سامع الحوار وهو فى غرفته لانه كان سبقهم ورجع قبلهم لانه رجع مباشرة بعد ډفن عمه وزجته خرج من غرفته وقال ايه ياماما اللى بتقوليه ده يعنى ايه البيت مش هيسعنا دول ولاد عمنا يعنى اخواتنا هو مش كان ممكن نكون احنا اللى كنا مكانهم تفتكرى كانوا هيرمونا فى الشارع تعالى ياريم انتى وحازم ادخلوا فى غرفتي وانا هروح انام مع احمد اخويا ادخلوا انتوا ما ارتحتوش طول اليوم
وحسام والده واقف مبتسم من كلام ابنه
وريم لفت نظرها شخصية سيف القويه وطريقته فى الكلام رغم انه بيكلم والدته اللى واضح ان شخصيتها صعبه هى كمان
بصت لزوجة عمها اللى كانت ساكته وراحت اخدت حازم اخوها فى ايدها ودخلت مع سيف سيف دخلهم غرفته ودخل هو كمان ياخد بعض المتعلقات الشخصيه الخاصه بيه اللى فى غرفته وقال لريم متزعليش ياريم من والدتى هى طيبه بس تلاقيها متضايقه من اي حاجه تانيه انا كنت داخل اجيب عشاء ليا هعمل حسابكم معايا وناكل مع بعض انتوا اكيد ما اكلتوش اى حاجه النهارده طول اليوم
سيفلا بقولك ايه انا اخوكى الكبير ولازم تسمعى كلامى ولا ايه
ريم ابتسمت ابتسامه حزينه وقالت ماشي يا سيف يا اخويا
راح سيف جهز اكل ورجع وجد ريم واخده حازم فى حضنها وپتبكي على والدها ووالدتها راح وضع الاكل على ترابيزه صغيره وشال الترابيزه ووضعها أمامهم وقال بقولك ايه ياريم لازم تشدي حيلك كده وتبطلى بكاء عشان تبقى قويه عشان خاطر اخوكى الصغير ده انا عارف ان ڠصب عنك وان الموضوع صعب عليكى بس بس يا ريم انت واضح انك بنت جدعه وقويه ممكن بقى تمسحى دمعوك دى وتمدى ايدك عشان تاكلى ولا امسحهم انا
سيف طب يالا عشان حازم كمان يمد ايده وياكل قبل ما ينام وراح مد ايده بالاكل لحازم راح واخد منه الاكل وفضل ياكل كان جعان اوى وراح سيف قال اهو بياكل اهو يعانى باين عليه انه كان جعان جدا ممكن بقى تمدى ايدك بقى انتى كمان ولا ااكلك زى حازم راحت مدت ريم ايدها للاكل وبدأت تاكل وراح قام سيف اسيبكم تكملوا اكل وانا هدخل اريح شويه ولو احتاجتم اى حاجه اندهوا عليا معلش بقى السرير صغير بش ان شاء الله هتعرفوا تناموا عليه مع بعض انتى طبعا عارفه ظروف اخويا احمد اللى مولود بيها وعشان كده هو ماجاش معانا الدفنه
سيف خارج
ريم سيف متشكره
سيف ايه الكلام اللى يزعل ده فى واحد تقول لاخوها متشكره تصبحي على خير ياريم
ريم تصبح على خير ياسيف
خرج سيف واخدت ريم اخوها حازم فى حضنها ونامت من التعب والبكاء
وفى الصباح استيقظت ريم على صوت سلوى زوجة عمها وهى تتحدث مع حسام عمها بخصوصها فسمعت
سلوىودول بقى طبعا عاوزين مصاريف اكل وشرب ولبس وليكون ناوى كمان تكمل ليهم تعليمهم
حسامفى ايه يا سلوى دول ولاد اخويا وايتام واخويا الله يرحمه موصينى عليهم
