روايه فاتن والشيخ عمار
من بره عشان تصحي وتطلعي براحتك بس هملينا من النوم دلوك احنا لسه فأول العشيه والليل طويل مهناموش من دلوك كيف الفروج.. تعالي تعالي قوليلي عتعرفي تهزي ولا له.. وكمان شيلي ربطة راسك داي ووريني شعرك طوله واصل لحد فين وليه كاتماه بالربطه إكده..حوشي حوشي متخجليش مني انتي كيف لواحظ اختي.
شعري اهه ياخاله.
له ياخالتي اني طالعه على امي فكل شي جمالي وارثاه منها وهي احلا مني كماني.
واااه ديه فتحي نمس وعينه فرازه على إكده إكمنه قاعد بثباته لحد دلوك قدام مهجه ومتهزتلوش شعره اتاري عنده اللي ماليه عينه بس على مين.. اهي فسحتلى الطريق والملعب فضي وهتشوف لعب مهجه كيف يكون.. وزغللة العين امر من السحر
عتقولي ايه ياخاله
هاااه.. لا لا معقولش حاجه.. ماقولنا بلاش خاله داي يافاتن عاد.. ودلوك هاتى الدربوكه من بره وتعالي اطبلك وهزي ووريني رقصك.
مفيش بنيه متعرفش تهز وتتمايل يافاتن ياللي كلك مفاتن. الكل عيعرف بس عايز حد يشجعه ويعلمه واني من النهارده هتكوني انتي وابوكي شغلي الشاغل انتي هعلمك كل حاجه تعرفها مهجه.. وابوكي هعرفه مين مهجه وهوريه إن حوا اللي طلعت ادم من الجنه تقدر تخليه يعمل اي حاجه في الدنيا وتمشيه على هواها وتشعلقه فتوب جلابيتها بس تحطه فراسها.. هاه يافاتن يلا اطلعي هاتي الدربوكه عاد متوبقيش لكعيه خليكي حركه إكده وخطوتك خفيفه.
إيوه إكده احبك وانتي عتسمعي كلامي.
شويه وإم مهجه سمعت صوت الطبل وضحكة مهجه وفاتن العاليه فبصت للسقف وبقلة حيله قالت
مفيش فايده فيكي يامهجه يابتي ماقولتلك من آمنك لا ټخونه ولو كنت خاېن بس الظاهر إن اللي الخيانه طبعه ميسلاهاش واصل.. ربنا يهديكي وتجمليها مع الراجل اللي مشفناش منيه غير كل خير ومتعضيش اليد الوحيده اللي اتمدتلنا ربنا يهديكي يابنيتي مفيش فيدي غير الدعا ليكي عشان اني معقدرش عليكي.
سحر! .. خشي ياسحر تعالي.
له مخاشاش بوي نبه عليا اقولك الكلمتين اللي مشيعني ابوكي اقولهملك من ع الباب وقالي تدخليش حدا الغوازي.. ابوكي عيقولك خدي الخضار ديه واطبخي واكرمي ضيوفك ومتقصريش وأي حاجه تعوزوها ابقي شيعيله مرسال وعيقولك اغرفيله غدا من اللي عملتيه وهاتي هاخدهوله فطريقي واني رايحه اودي غدا ابوي في الغيط.
واااه قايمه من النوم بعد الضهر يافاتن وليه إكده امال ناموسيتك كانت كحلي ياك
على العموم اني هروح اودي وكل ابويا واقوله وكل عمي فتحي معاك وانتي وكت ماتطبخي يابرنسيسه اوبقي شيعي غدا ابوكي مع حد.. أو روحي وديهوله انتي يمكن دلوك بطل يمنعك من الطلعه وطلق رجلك.. أصل أحوالكم كلها اتبدلت وكل شي بقا جايز..يلا بخاطرك.
همت تمشي لكن وقفها حس مهجه من ورا الباب
وقفي عندك.
سحر
خير ياغازيه عايزه ايه
خدي ياحلوة ديه غدا فتحي.. اديهوله وقوليله مهجه صاحيه من الفجر تطبخلك وتنفخلك وعتقولك بألف هنا وموطرح مايسري يمري.
ايه الريحه الحلوه داي طابخاله اي امال
ليكيش صالح انتي وصلي الوكل وخلاص ولعلمك ابوكي هيرمي وكلك وياكل مع فتحي عشان لو مۏتي انتي وامك مهتوصلوش لطبيخ مهجه ولا نفسها في الوكل واديكي شامه بنفسك والريحه لحالها رجفت بطنك رجف.
وه! مالك إكده ياغازيه انتي عتحدتيني إكده ليه!
تكونيش عاكشاني عسرق من غيط ابوكي ولا اي هاتي يختي الوكل اللي فرحانه بيه ديه وهو كلو وكل واخرته وحده.. وانتي يافاتن خلي بالك على روحك وشيعي لامك
تعاود لدارها ومتهملهوش للغوازي يسرحوا ويمرحوا ويطبخو وينفخو فيه ويعملوا حالهم صحاب بيوت.
طب غوري من إهنه بدال مااكب الوكل الحامي فوق دماغك اسلقهالك واخليكي ام راس مسلوخه روحي عشان انتي متعرفيش الغوازي وكت ماعيتزرزرو عيعملو فاللي قدامهم
