اسكريبت وان احبوك
يااخويا بنتك مسيرها تتجوز مش هتقعدها جارك
انا هقعدها جاري
ماجد بالعقل كده ياتوفيق بنتك لازم تتجوز وطبيعي الناس تتقدملها ...انت شوف الواد و....
يعني ايه حد ياخدها مني انا ربيتها وتعبت في تربيتها انا اللي صرفت عليها لحد ماعلمتها احسن تعليم انا اللي دايما كنت بسهر جنبها وهي تعبانة انا اول واحد نطقت اسمه يعني ايه تسيبني وتروح لواحد تاني يعني ايه حد ياخدها انا مش بطمن غير لما اشوفها مفيش مرة نمت الا لو اتاكدت أنها نايمة وبخير انتوا بتقولوا ايه يعني واحد هياخد بنتي وتحبه وتعيش معاه العمر كله وتنساني
بنتك متجوزة وعايشة قدامك اهي مفيش حاجة فرقت
جمال خلاص بنتك جوزها في نفس البيت
الكل سكت ...والاصوات العالية هديت...بابا هدي شوية ووقتها اعمامي خدوه عشان يهدي شوية. ..كنت واقفة بعيط متضايقة انا بحب بابا جدا والله بحبه وميهونش عليا اسيبه بس انا عايزة اعيش حياتي والله... انا بابا يعتبر مانعاني من كل حاجة. ..مع الأيام عرفت ان معتز اترفض ...بقيت اسهر كتير وااكل اكتر
برسم
قعد جنبي وبدأ شغله علي اللاب اول مرة الاحظ رموشه طويلة جدا بشرته صافية وحلوة ...عنيه لونها بني فاتح اوي هو شعره اسود ولا بني الله ايه الساعة الحلوة دي قمر في الجلبية دي هو العمدة بتاعنا قمر كده ازاي
هتفضلي مركزة معايا ازاي
ها
ضحك مالك
مفيش
لسه زعلانة عشان اللي حصل
زعلت شوية بس بعديها هديت ...ابيه هو انت شايف بابا عنده حق
ايه
ايه المچنون رسمي دا
