روايه دميمه سلبت قلبي
كمان .
ماما مسيطرتش علي نفسها وقعدت تبكي .
ورد وانا مش هخاطر يا دكتور قلتلهم مليون مرة اني راضية عن نفسي لكن هما بقا
أبتسم الدكتور وقالي برافو عليكي وما دام انتي راضية عن قضاء ربنا كده اكيد هيجبر بخاطرك .
ابتسمت ليه واخدت ماما ومشيت وقررنا نقفل خالص علي الموضوع ده وننسي كل حاجة.
ماما اقتنعت بيا زي ما انا محاولتش تغيرني ولا تخليني اقابل عرسان من غير ارادتي حتي تقبلت ماكس وعرفت أن اللي حصلي قضاء ربنا وماكس ملوش ذنب
رسمك حلو .
دق قلبي وبصيتله بذهول
اسف بس مامتك سمحتلي أدخلاسف لو اتطفلت عليكي .
لا ولا يهمك يا دكتور بس حضرتك بتعمل ايه هنا ايه لقيت علاج لوشي
ضحك عمر ضحكته كانت تشد سرحت للحظات فيه ولأول مرة اتمني اني مكونش كده عشان يبقالي الحق اني احلم بحياة مع حد وسيم زيه طردت الأفكار دي من دماغي ولقيته بيبص لماكس
قالها وهو بيشاور علي أجزاء من جسم ماكس
بصيت لماكس وانا برد بعد ربنا ماكس اللي انقذني من الحريق .
بصلي بحيرة عشان اشرح زيادة .
من حوالي تلات سنين كان عندي مرسم بحب ارسم فيه وكان دايما ماكس بيكون جمبي يومها غفيت شوية في المرسم ويظهر اني نسيت البويلر شغال صحيت علي صوت ماكس وهو بيعض فيا ويصحيني عشان اخرج .كان في لسه فرصة اخرج من غير أي خساير كنا هنخرج انا وماكس لما وقع خشب مولع علي ماكس مقدرتش اطلع واسيبه رفعت الخشب وانا بشده لما وقع خشب تاني علي وشي .
ورداكيد بتقول عليا دلوقتي اني مچنونة لأني حياتي بسبب كلب.
عمر لا دي نظرة تقدير قليل جدا اللي بيهتموا بالحيوانات بالشكل ده
.قليل جدا اللي بيعتبروا الحيوان صديق مش مجرد حيوان بيمتلكوه
ورد لولا ماكس كان ما خرجت
عمر ولولاكي كان ممكن ماكس مايخرج .. ورد عايزك تيجي معايا مشوار ممكن انا اخذت اذن من مامتك
عمر اكيد طبعا .
وقفت عربية عمر قدام مبني كبير وشيك.
مسك ايدي وساعدني اخرج من العربية وطلع ماكس ومشي جمبنادخلني المبني
ورد بحيرة ايه ده يا دكتور عمر
عمرأولا قوليلي يا عمر بس .ثانيا ده عرض شغل ليكي
ورد مش فاهمة
عمرده حلمي من زمان اني اعمل مركز زي مركز علاج نفسي جماعي اتكلم مع اللي عندهم وحالتهم ميئوس منهااديهم دفعة لقدام اعرفهم ان الحياة منتهتش هنا
عمر انا درست علم النفس جمب التجميل وعندي خبرة مناسبة وغير كده فيه دكاترة نفسيين واخصائيين بيساعدوني
وردطب انا هساعدهم ازاي
عمر انتي عندك رضا رهيب بقدرك ومؤمنة ان الحياة موقفتش فلو اتكلمتي معاهم هتديهم دفعة لقدام ها موافقة
ورد اجرب
وفعلا اشتغلت مع عمر في المركز لمدة شهرين وكل يوم كنت بحبه اكتر من الأول بس مقدرتش اعترف ولا ألمحله بحاجة ابداخفت اخسر صداقته ومش مهم يحبني المهم انه جمبي حتي لو هيبعد بعدين .
تحبي تسمعي قصة يا ورد
ضحكت وانا بردهو انا صغيرة يا عمر
لا بجد هتعجبك
تمام قول
كان فيه شاب زي القمر شبهي كده يعني..
مكانش بيؤمن بحاجة إسمها حب وكان كل ما حد يجيب سيرة الحب علي لسانه كان يضحك عليه بالذات الحب من اول نظرة .الشاب ده في يوم صديق طلب منه أن يكشف علي بنت بحكم انه دكتور تجميلي .
وشي بقا احمر وانا ببصله بتوتر مسك ايدي وهو بيقولي بثباتالبنت دي اول ما دخلت أوضة الكشف وهي جذبت انتباهيحضورها كان قوي محدش قدر يلفت انتباهي بالشكل ده غيرها ولما اتكلمت وقالت انها راضية بحياتها لفتت انتباهي اكتر حاولت انساها واقول انها مجرد حالة مميزة مرت عليا بس مقدرتش اخترعت حجج عشان اجيب سيرتك قدام كريم كنت عايز اعرف انه هيتقدملك
ولا لا وارتحت لما عرفت انه صرف نظر اخدت عنوانك من عمتك ولقيت الحجة المناسبة عشان اتقرب منكودلوقتي انا اتاكدت من حاجة .
ايه هي
اني بحبك وعايز افضل جمبك طول حياتي .تتجوزيني .
عينيا دمعت
