قصه رجعت من سفري بعد وقت طويل
لقمه تاكلها وتنام..
علي بحزن
لا لا عشان خاطري اعفيني من اي اكل دلوقتي انا بس عايز انام..
قال كلامه وقام دخل جوه وفتحي قال بحزن
ربنا يهون علي قلبك يا صاحبي هتلاقيها من اللي حصلك زمان مع امك ولا من اللي بيحصلك دلوقتي في مراتك وابنك..
_ وتاني يوم راح علي فعلا لظابط الشرطه وقعد قدامه في القسم وقال الظابط بهدوء..
انا عايزك بقي يا استاذ علي تحكيلي كل حاجه عن اليوم اللي رجعت فيه..
علي بدموع
والله ما في حاجه تتقال انا كنت مفهم مراتي اني هرجع بعد اسبوع وبعدين قولت لا انا ارجع بدري واعملهالهم مفجأه ووصلت العماره طلعت انا والبواب وكان معايا استاذ فهيم اللي ساكن قصادي واول ما فتحت الباب شوفتهم في الصاله وهما..
الظابط
اهدي بس يا علي بيه وقولي هي المدام كان ليها اعداء ليها مشاكل مع حد انت نفسك ليك اعداء مع حد..
علي
ما فيش حد ما لهوش اعداء بس مهما. كانت العداوه ما توصلش انها تخلي حد. يعمل كده في واحده زي هيام مراتي او ابني اللي كان لسه عنده تلات سنين..
الظابط
علي
مش اعداء اوي دي يعني مشاكل اسريه كانت بين جهاد اخت مراتي ومراتي نفسها بسبب ورث ابوهم اللي سابه ليهم..
الظابط
ايوه بقي ايه المشاكل دي بالظبط..
علي
عمي الله يرحمه كان عنده مصنع ملابس وكانت مراتي بتشتغل معاه فيه وفي يوم جات جهاد وطلبت ورثها وعني ادايق منها بس عملها اللي هي عايزاه. وقدرلها ورثها فلوس وادااه ليها بس خلاها تمضي عن تنازل عن المصنع لمراتي وهي عملت كده واخدت الفلوس وبعدها المصنع كبر جدا وعمي قابل وجه رب كريم هي بقي جات وطلبت ورثها وقالت ان ليها النص في الزياده اللي حصلت من لما المصنع كبر وان ده كله ملك ابوها وكده..
بس قدام القانون هي مالهاش حاجه اصلا دي مضت علي عقت التنازل...
علي
انا بعد ما سافرت الخليج مراتي قالتلي انها جات وعملت مشكله في العماره وقالت ان مراتي مزوره الورق ده كله وعملت مشكله اكتر من مره واخرهم قبل ما انا ارجع بيوم..
الظابط
طيب وفي شهود علي كلامك ده..
علي
اولا يا افندم انا مش بتهمها بحاجه دي اختها واكيد مش هتوصل بيها انها تعمل فيها كده..
سؤالي واضح يا استاذ علي في شهود علي كلامك ده..
علي بضيق
اكيد. طبعا الجيران والبواب غير المحامي اللي راحت جهاد واتخانقت معاه..
الظابط
تمام يا استاذ علي تقدر حضرتك بقي تتفضل ولما يكون في اي جديد هبلغ حضرتك..
علي
تمام يا افندم بعد اذن حضرتك...
_ قال كلامه وطلع بره اوضة الظابط وقابله عوض البواب وفتحي اللي جه معاه وقال عوض..
عوض
خير ان شاء الله يا
