قصه ابويا اتجوز خالتي

من اختفاء خالتي العجيب .واسماء اختي پتبكي وبابا مش عارف يتصرف ازاي .اما قطتي بوسي كانت بتلعب وبتنط من مكان لمكان زي ما تكون فرحانه .
طلع النهار واحنا قاعدين وبابا مش راح الشغل وبعدين اتصل بخالي ابو شادي وقاله علي اللي حصل وسأله يتصرف ازاي لانه حاسس ان تفكيره انشل من الموقف .
خالي قاله انا جايلك حالا .وفعلا بعد وقت صغير خالي وشادي ومرات خالي كانوا عندنا ومش مصدقين اللي حصل .شادي الوحيد اللي كان هادي وقال يا جماعة تفسير كل اللي حصل بسبب القطة .هي اللي عملت كل ده .اكيد القطة دي فيها جن .

بابا قال لخالي تعالي ننزل نعمل بلاغ في الشرطة باللي حصل .لكن خالي قاله لو روحت وقولتلهم كلامك ده هيقولوا عليك مچنون .الحل الوحيد دلوقتي اننا نجيب حد  من اللي بيفهموا في الحاجات دي وهو هيدلنا نعمل اي .
نزل بابا وخالي وراحوا لواحد بيفهم في المواضيع دي .
رجعوا بعد ساعتين تقريبا ومعاهم راجل اسمه عم  مصباح .
لكن لما رجعوا كان في انتظارهم مفاجأة 
اثناء بابا وخالي كانوا في الشارع كنت قاعدة انا واخواتي ومرات خالي بنتكلم وبنحاول نلاقي تفسير للي بيحصل فجأة شفنا خالتي خارجة من باب الاوضة !!!!!!!!!!
كلنا بصينا لها مستغربين .واسماء جريت عليها واترمت في حضنها .
مرات خالي سألتها كنتي فين ردت عليها انها كانت  نايمة .
قولنلها نايمة ازاي دا احنا من قبل الفجر بندور عليكي في كل مكان وبابا كان بينادي عليكي وانتي كأنك  مش موجودة خالص .
قالتلنا انا معرفش حاجة من اللي بتقولو عليها دي لكن الغريبة اني صحيت من النوم لقيت نفسي كنت نايمة تحت السرير !!!!!
طبعا لما رجع بابا وخالي ومعاهم عم مصباح اندهشوا لما شافوا خالتي موجودة وحكيت لهم علي اللي حصل .
عم  مصباح سألها من وقت ما نامت لحد ما صحيت حسيت بايه او حلمت بايه  
خالتي قالتله انها مش حسيت بحاجة خالص لكنها شافت احلام كتير اوي مش فاكرة منها حاجة دلوقتي .
عم مصباح طلب يشوف الدولاب اللي انحرق .وفعلا دخل مع بابا وخالتي وشاف الدولاب .
عم مصباح قالنا ان المكان ده في ارواح جاية بغرض الاڼتقام .اكيد حد من اهل البيت أذاهم في حاجة وجايين ينتقموا منه .
بابا قاله طب والحل اي يا عم مصباح 
قاله انا هعمل جلسة النهاردة بعد العشا  وفي نهايتها ان شاء الله كل حاجة هتبقي تمام .
عم مصباح عمل الجلسه وكان بيبص في عنينا وهو بيقرأ كلام غريب .
كان بيبص في عين كل واحد فينا نظرة غريبة اوي .
وفي نهاية الجلسة قال ان المطلوب من اهل البيت هي الزوجة يقصد خالتي .
خالتي اټرعبت خصوصا لما قال انهم مش هيسيبوها في حالها الا لما ينتقموا منها اشد اڼتقام .
خالتي بعد كلامه رعبها زاد وظهر عليها الخۏف اوي   لكن عم مصباح قالها مټخافيش انا هبعدهم عنك نهائي قبل ما امشي من البيت ده دلوقتي .
بابا قاله اه في عرضك خلصنا من الموضوع ده وانا هديلك الفلوس اللي تطلبها بس نرتاح من الهم ده .
عم مصباح قال لبابا انا عاوز المدام خمس دقايق علي انفراد .
بابا استغرب اوي وقاله وليه علي انفراد مينفعش نكون كلنا موجودين او واحد علي الاقل معاها 
عم مصباح قاله لاء مينفعش .وبعدين مادام مش مأمني مدخلني بيتك ليه 
وقام اخد حاجاته وكان عاوز يمشي .لكن بابا قاله مش قصدي حاجة انا كنت بسال بس .اتفضل استريح واحنا كلنا هنسيبكم هنا لوحدكم .
قاله لاء هنا مش هينفع .لازم مكان مقفول .
دخل عم مصباح اوضة نوم بابا ومعاه خالتي وقفل الباب وفجأه حصلت حاجه لمصباح غير متوقعه  ..... 
يتبع
البارت 5
دخل عم مصباح اوضة نوم بابا ومعاه خالتي وقفل الباب .
بعدها بدقيقة واحدة سمعنا خالتي بتصرخ وخارجة بټضرب عم مصباح وهو بيجري منها .
بابا حاول يمسكه لكنه هرب منه وجري .
خالتي قالت ان الراجل ده لما اتقفل الباب عليهم حاول انه يعتدي عليها لكنها ضړبته .
بعد الموقف ده بابا قال احنا مش هنمشي ورا الداجلين تاني .وان افضل حل اننا نشغل قران كتير في البيت علشان لو في اي جن في البيت يمشي .
وفعلا بدأنا نشغل قران باستمرار في البيت والقطة بوسي اختفت تاني وعيشنا في هدوء فترة .
لكن خالتي كان من جواها اصرار ان خطوبتي من شادي تتفسخ .
في يوم كان شادي جاي يزورنا نزلت اشتري حاجة من الشارع قبل ما ييجي علطول  شوفت ميه قدام باب الشقة .
استغربت اوي وسألت خالتي قالت انها مش عارفة المية دي جت منين .بعدها بدقايق شادي دخل البيت .
في اليوم ده انا وشادي اتخانقنا خناقة كبيرة وشادي نزل وهو زعلان !!
بعد ما نزل قعدت افكر في سبب خناقتنا لكن اكتشفت ان الخناقة تقريبا