روايه جحود اب
كانت قراراتك صح أما بقى تيجى تضيع كل ده فأنا مش هاسمح بده ابدا يا مروان
مروان أنت اللى بتقول كده يا محمد من امتى واحنا بنقف لبعض كده طول عمرنا فى ضهر بعض هيجى اليوم نقف قدام بعض
محمد انت اللى عملت كده مش انا وانت مش عايز تدخل الشحنه هدخلها انا وهتتسلم فى معادها
مروان سابه ومشى
محمد نفخ بضيق كل ده عشان بت
دخل اوضه ساره لقى الممرضه معاها
مروان هى كويسه تقدر تروح النهارده
الممرضه ايوه بس تلتزم بالادويه اللى كتبها الدكتور
مروان طب يلا انا مستنى فى العربيه
ساره استغربت من طريقته ودخلت لبست وطلعت ركبت العربيه
طول الطريق وهو ساكت بس شكله متعصب
ساره احم احم انا بجد اسفه انى حطيتك فى الموقف ده وبشكرك انك أنقذت حياتى
ساره اتحرجت لما مردش عليها وسكتت
وقف مروان قدام مطعم فخم
ونزل وقال يلا
ساره ايه ده هو وقف هنا ليه ونزلت
دخلوا وكان المكان راقى وموسيقى هاديه بس فاضى
ساره هو احنا هنا ليه
مروان عشان نتغدى
ساره بس انا مش جعانه
ساره امال المكان فاضى كده ليه
مروان أنا حجزته كله اصل مبحبش الدوشه وطلب الغدا
مروان هو هو
ساره ايوه سامعه حضرتك
مروان اتضايق وفى سره بلا حضرتك بلا زفت من اولها كده
مروان عايز اخد رأيك فى حاجه
ساره اتفضل
مروان اصل اسيا جايلها عريس وهى كانت شايفه أنه كويس اوى بس بعد كده اكتشفت أنه أعماله غير مشروعه بس هو قالها أنه مكانش بإيده يمشى فى الطريق ده وعنده استعداد أنه يسيبه ويضحى بكل فلوسه عشانها تفتكرى لو انتى مكانها توافق ولا لا
مروان أتصدم بس مبينش ليه
ساره هى ايه اللى يضمن لها أنه بيقولها الحقيقه ومش بيضحك عليها ما ممكن بعد ما تتجوزه ويضمن خلاص يفضل مكمل فى اللى هو فيه دا وبعدين كمان انت قولت أنها اكتشفت يعنى مش هو اللى صارحها كمان يعنى لو مكانتش عرفت مكنش قالها حاجه
مروان بسرعه طب تفتكرى لو كان قالها ده كان هيغير موقفها
مروان مش عارف بقلم ندى الجندى
ساره انا متهيألى أنها متخاطرش يعنى اسيا جميله وكل حاجه فيها حلوه ليه توافق بواحد زى ده حتى لو هى بتحبه مش هتبقى واثقه فيه هتبقى دايما شاكه فيه بس ده وجهه نظرى انا وكل واحد حر فى رأيه بس هى لو وافقت هى لازم تستحمل نتيجه القرار ده
وجه الاكل واتغدوا ومشيوا
مروان ساكت لحد ما وصلوا للفيلا
ودخلت ساره نامت
عند مروان فى اوضته مش عارف ينام عمال يفكر فى كلام ساره وأنها مش متوافق عليه
الصبح
مروان انا رايح الشركه محتاجه حاجه
ساره لا شكرا
طيب افطرى وخدى العلاج ومشى للشركه
مروان دخل مكتبه
محمدللسكرتيره مروان جه
مها ايوه يا فندم لسه واصل
ډخله محمد
محمد مروان انا اسف على الأسلوب اللى كلمتك بيه امبارح
مروان بحزن لا يا محمد انت كان عندك حق فعلا انا اللى كنت غلطان الحب فعلا مش لينا
محمد لاحظ أن عينه حمرا خالص وشكله حزين
محمد طب تعالى نمشى انت مش هتعرف تشتغل كده
مروان مها ألغى كل المواعيد النهارده وطلعوا على فيله محمد
محمد انت قولتلها
مروان لا مقولتهاش صريحه بس عرفت الجواب وانت كان عندك حق وحكاله على كلامها
محمد زعل عشانه اول مره يشوفه حزين كده
محمد خلاص انسى ده اصلا مش حب انت بس حسيت انك مسؤل عنها وان فى حد شاغل جزء من حياتك لكن لو بعدت هتنساها
مروان لا ماهى لما هربت الشهر انا كنت هتجنن والاقيها ومنستهاش بقلم ندى الجندى
عند محسن
بقولك يا وليه
سماح بكذب قول
يا سيد الناس
محسن انا حاسس بقالى فتره كده انى مش قادر امشى ومفاصلى سايبه
سماح بفرحه أن الدوا جاب نتيجه بقلم ندى الجندى
مانت مهمل فى الاكل يا خويا خالص حافظ على صحتك
محسن ياه يا سماح خاېفه عليا
سماح بكذب امال هو انا ليا غيرك
خد كوبايه العصير دى تسندك وكان برده فيها الدوا
محسن شربها ونام على طول
سماح هههههههه معاش ولا كان اللى يجى عليا عقبال ماتغور فى داهيه
عند اسيا
والدتها يا بنتى ماتتهدى بقى واعدى فى البيت دانت مصروفك اكتر من مرتبك
اسيا ولو لازم ابقى فتاه عامله باى باى يا ست الكل
نبيله يارب عوض عليا بقى البت الحيله تبقى هبله كده ربنا يهديها
اسيا فى الشركه
المدير اتأخرتى كده ليه
اسيا يعنى هى حاجه جديده عليا
سامر المدير بنرفزه مانتى هيتخصملك زى كل مره ولو اتكررت هيبقى فيها رفد انتى فى اكبر شركه دعايه فى الآلاف يتمنوا يبقوا مكانك
اتفضلى على شغلك ومتتكررش
مشت
