ممكن دقيقه والدقيقه بقت عمر
انت في الصفحة 1 من 4 صفحات
يا انسة يا انسة
ايوة مين !
ايوة مين ايه اصحي يا انسة عايزين الاجرة !
رفعت الكاب من علي وشي ببرود عايز ايه
الاجرة يا أنسة مفضلش غير حضرتك ال مدفعش !
اتكلمت ببرود اسفة مش هقدر ادفع
بصلي و علي وشه الدهشة افندم ! يعني اقول ايه للسواق !
كلمته بنفس البرود و انا بحاول افتح عيني قوله اسفة مش هقدر ادفع
كده ناقص واحد يا جماعة
ايوة ياسطا الانسة دي ! و قالتلي اقولك اسفة مش هتقدر تدفع
هو اي ال آسفة مش هتقدر تدفع صحيها يا استاذ
كنت بكلمها و انا خاېف المرة دي تضربني بالقلم يا انسة كلمي السواق !
تنامي ايه يا انسه هو احنا في فندق فين الاجرة !
ما قولت اسفة مش هقدر ادفع ياسطا ما توحد الله في قلبك
لا اله الا الله هعمل بيها ايه آسفة دي انتي جاية تهزري !
سكتنا و بعد عشر دقايق موبايلي لقيته بيرن عرفت انه المنبه انا دايما بظبط المنبه علي نص ساعة لان دي المسافة بالميكروباص لما الموب رن طلبت من السواق يقف و نزلت .
يا أنسة يا أنسة !
بصتله انت تاني !
ممكن دقيقة !
الدقيقة خلصت و انت بتكلمني !
بصلي و كان هيطلع حاجه من جيبه
دلوقتي الحقونيي الحقونيي ...
قعدت اصړخ و اطلب من الناس يلحقوني لحد ما اتلموا و هو واقف ساكت كأنه مصډوم و متحركش ولا هرب ! قولتلهم انه كان عايز يخطفني و قعدت اعيط بتمثيل الناس قعدت ټضرب فيه و انا خلعت و كأن شئ لم يكن عشان يبقوا يوقفوا بنات الناس و يتكلموا معاهم تاني .
